The balm Meet Matte Hughes Review | تقيمي لمجموعة ارواج ميت مات (ميني) من ذا بالم

By مولاش - 7:41 م

بسم الله الرحمن الرحيم

من زمان ما سويت تقييم لمنتجات تجميل لاني انشغلت في تدوينات المواضيع الاجتماعية ولكن , في منتج صارلي مدة جدا طويلة استخدمه بكثرة ولاحظت جودته وجماله وطبعا لازم اشارككم رأيي فيه , 💗



قبل مدة اصدرت ماركة ذا بالم مجموعة ميني من ارواجهم المات الشهيرة تحت اسم Meet Matte Hughes  
 المجموعة فيها عدة درجات مختلفة والجميل فيها انها درجات جميلة جدا وتستخدم كلها والاختلافات بينها طفيفة ,
لاحظت على الارواج جودتها من ناحية ظهور اللون وثباتها مدة طويلة , ومع الاكل تخف ولكن ما تنمسح او تختفي تماما وهذا الشي الحلو فيها كثير  
(لان بعض الناس الكسولين مثلي ما يحبون يحطون الروج او يعيدون عليها مره ثانيه :) )
الارواج ريحتها قريبة من الفكس وحجمها جدا جدا صغير وكتكوت , فهي عملية حق الشنطة خصوصا شنط المناسبات ما تاخذ حيز ابدا ,, 
الكمية اللي في المنتج وفيرة حقيقة صارلي مده استهلكت واحد فيهم ويادوبك الحين بديت الاحظ عليه بوادر الانتهاء 😂
بوريكم الدرجة اللي كنت استخدمها بكثرة بالدوام للجامعه اسمها ( committed ) ,, اللون تقريبا نيود مايل على الوردي ,, جمييل جمييل جمييل للصباح واللوك الخفيف اللطيف 😂😍💘💘


اما باقي الدرجات سويت لكم سواتش لها كلها واظهرتها خلف يدي بالترتيب ,, واللون الثاني من اليمين هو نفسه اللي فوق اللي استخدمه دايما 💓


هي 6 ارواج ولكن ما يحتاج اقول فيه واحد ملطوش :) .. 
اخذتها من محل ميك اب بالكويت ولكن تحصلونها بموقع بنفيت او عند المتاجر وما عندي علم اذا متوفر بسيفورا السعودية :( , 
سعرها بالموقع 29 دولار يعني بالسعودي 108 ريال , سعر ممتاز جدا بالنسبة لجمال المجموعة وجودتها , اقتصاديه جدا ❤
وبس 💕

  • Share:

You Might Also Like

3 التعليقات

  1. اوه التدوينه أحسها سحبتني سحب
    من فترة خاطري بأرواج ماركتها حلوة والوانها بهالدرجات وسعرها حلو
    حطيتيها فبالي جد بادور متجر يوفرها 😍

    ردحذف
  2. من فترة و أنا أفكر اشتريها احس الوانها حلوة و تناسب الكل بس استنى اخلص ارواج عشان اشتريها 😍😍

    ردحذف
  3. حابه أنوه إنوه من براند ذا بالم وليس من بنفت ..

    ردحذف