بسم الله الرحمن الرحيم ,
تدوينة اليوم عن سفرتي الاخيرة لدولة الكويت في اجازة منتصف الترم الأول , اتمنى انكم قضيتوها بكل خير وسعادة 💖
بشاركم التفاصيل الجميلة بهذي الرحلة وايضا الاماكن الاجمل اللي زرتها 💕💕
,,,
طبعا المهرجان ما بدأ الا من ثاني يوم ولو جت علي كان خليته يبدا من اول يوم على طول لاني احب اتمشى في الكويت كثير,,
ثاني يوم في الكويت كانت الطلعه الى مول وكوفي جديد خاص بالنساء , ايش احكيكم عن الديكور !
اسم المول العربية مول في العقيله , الكوفي اعتقد just lady القهوة والحلويات تعتبر جيده ولكن يتميز بأنه خاص للنساء وايضا ديكوره فظيع 💖💖
..
رابع يوم في الكويت كان المشوار للمول اللي حفظته 😂
ذا قيت مول , من المولات الجميلة والممتعه في العقيله ايضا , في كوفيات ومطاعم كثير جميله الواحد يتردد وين ياكل 😅 وايضا محلات كثير ودايما وابدا اقول ان بضاعة الاسواق الكويتية مميزه وجميله ولكن يعيبها غلاء الاسعار ,,
..
سادس يوم في الكويت واليوم ما قبل الاخير لمولين مختلفين ,
في البداية لسما مول المول صغير ومافيه محلات ومطاعم كثير , غالبا نروحله عشان الملاهي للاطفال العاب تناسب الصغار وبسيطه وممتعه وكمان الكبار يقطون معهم 😂
دخلنا في البداية جرير واخذت كتاب ( لانك الله ) راح اسويله مراجعه قريب مع مجموعة كتب ان شاءالله ,,
ما حبيت جرير حقهم > ؟؟؟
مدري يعني ما حسيت فيه كتب كثير تشوق ! حق جده احلى > ؟؟؟؟
..
فيه مطعم ثاني مره ادخله يوفرون قهوه وحلويات وايضا يوفرون اكل ووجبات
ديكور المطعم انما ايه !! شي مو طبيعي ! في كل زاوية مشتغلين عليها ديكور عشوائي غريب !
احتاج المصمم اللي سواه لهم ..
قهوتهم نسيتها ! شربتها السنه اللي راحت المره هذي جيت اتعشى 😅 والاكل لذيذ ولكن الكمية نوعا ما قليله ,,
اسمه اعتقد ايضا الامبراطوره ..
,,
وثاني مول كان العربية اللي سبق ودخلته رحنا نقابل ناس هناك وشفت المطعم اللي دخلوه كمان نسائي وديكوره فظيع فظيع فظيع يتميز انه له بلكونه وجلسات خارجيه نفس الكوفي اللي دخلناه اليوم اللي قبل ,,
اكلهم ما جربته , ولا اعرف اسمه > وش تعرفين اجل
,,
آخر يوم في الكويت والطلعه المفاجئه اللي بدون تخطيط ,, والله حلوه لما تجي بالصدفه كذا 😂
انا احب البحر وكان ودي مرره ازور بحرهم ! > ؟؟
رحنا البحر ولكن اللي عند مول كويت ماجيك يعني العابه الخارجيه ,,
مره جميل ! بحرهم رملي مو زي بحرنا غش 😅
بس والله عانيت وانا امشي عليه رجلي تغطس داخل التراب , شكله جدا جدا جميل وفيه ملاهي بالخلف ما اخبي عنكم اني رحت العب > ؟
كان من غير تخطيط ولكنه كان من اجمل الايام في الرحلة كلها لاني فعليا انبسطت فيه 💖
الشكر موصول لمرشدتنا السياحية ومرافقتنا دائما ام سلمان 😁💖💖 ( عيب نقول اسم البنت ) > ?????
,,
الكويت من احب الدول لقلبي فعليا وانبسط واستمتع بكل لحظه اكون فيها هناك , وهذا طبعا راجع للناس الي فيها اللي احبهم كثير كثير 💖💖💖
,,
اتمنى انكم استمتعوا بالتدوينة واشوفكم بتدوينات جديده 💜💜
_______________________
لحظه لا تروحون , فيه نشاط جديد مسويته في مدونتي يمكن بعضكم يعرف اني فتحت قسم خاص لتدوينات اصدقاء المدونة ! ونزلت فيها عدة تدوينات من اشخاص مختلفين ومواضيع مختلفه ,, هالمره غيرت شوي في مسار النشاط وصار لتلخيص الكتب , بمعنى اللي حاب يسوي مراجعة لكتاب سبق وقرأه يقدر ينزله في مدونتي ,, من باب دعم ثقافة القراءة وتشجيع القراء لاختيار الكتب اللي تناسبهم ,, للتواصل معاي aamal.ff@hotmail.com
,,
اتمنى لكم حياة سعيدة 💜💜💜
4 التعليقات
جممميل تدوينه ممتعه أمل 😌😴
ردحذفاستمتعت بقراءته حبيت توثيقك لها بالصور 😍
ماحسيت إلا وانا بالاخير 😂
����������
ردحذفتدوينة جميلة أمل ، عاد أنا صراحة أبغى اروح الكويت بس عشان مطاعمهم 🤣 💞
ردحذفخاطري اروح الكويت
ردحذفوتحمس زود اكثرر😍❤️❤️❤️❤️