بسم الله الرحمن الرحيم
التدوينة الاخيرة ذكرت فيها ان مدونتي كملت عام كامل ولله الحمد وهذا رابط التدوينة الرهاب الاجتماعي اضغطوا على العنوان ,
نجي لمشاعري بهذا الانجاز والصعوبات والاشياء الحلوه وكمان الاشخاص !
..
انا احب اكتب واحب اساعد الناس والبنات خصوصا بالمكياج يمكن مدونتي مافيها مكياج كثير والغالب يكون خواطر ولكن لاني ما اقدر انزل تدوينة عن مكياج الا وانا متأكده مليون بالمية من كل كلمة اكتبها في تدوينتي ! اما السناب شات اتكلم عنه كثير لان اقدر اقول كل شي بعفويه ووضوح وتوصلهم المعلومه بالشكل الصحيح , يعني بنبرة الصوت والمصطلحات توصل للمستمعين هل تجرب المنتج ولا تتركه , اما الكتابه هنا ما تساعدني كثير ,
ايش تعنيلي مدونة مولاش :
اكبر انجازاتي في حياتي , هو المكان والمشروع والهدف الصحيح اللي انا كنت ابحث عنه من زمان , لقيت نفسي ولقيت الشي اللي بيساعني بتحقيق اهدافي وتنمية هواياتي , جربت اشياء كثير وصديقاتي عارفين اني حاولت في مجالات عدة ونشاطات عدة واخر شي ولله الحمد رسيت على المدونة وكانت هي الشيء الصحيح .
ايش الاسلوب والطريقه المتبعه في مدونة مولاش :
العفوية العفوية العوية , احب اكون عفوية وبسيطة ما احب التكلف والتصنع , ما اعرف اذا البعض ما يشوفني عفوية ولكن انا اشوف اني دايما في تدويناتي وسناباتي وكل شي اسوية يكون عفوي مني , الكلمات اللي اكتبها لكم تأكدوا مليون بالمية طالعه من قلبي مباشرة على التدوينة , ما اجهز شي غير اذا كان فيه صور ومعلومات محتاجتها ! غير كذا امسك اللاب توب واكتب بكل عفوية وصراحه كل اللي في بالي وقلبي .
سلبيات وايجابيات :
سلبيات المدونة:
شي واحد هو المسؤولية على عاتقي , لازم انتبه واركز اكثر على اللي ينزل لان مو كل الناس نفس تفكيري واسلوبي مو كل الناس بيفهموني بالشكل الصحيح وهذا يخرب علي شوي العفوية اضطر امسح وألغي بعض الكلام بسبب ممكن ما توصل الفكرة بالوجه الصحيح او تفهم غلط ,
وايضا الخوف , لاني صغيرة في السن ولسى اجهل امور كثير اخاف اني اغلط في كلامي ومعلوماتي ووجهة نظري خصوصا ان في كثير ناس كبار يقرون كلامي وكل انسان يخاف يغلط ويجيب العيد ههههههه ,
الايجابيات :
لقيت المجال اللي يساعدني في توصيل ارائي وتوجهاتي وامارس فيه هواياتي , لقيت شي يشغلني غير دراستي , لقيت الشي اللي بيحقق هدفي وهو نشر الايجابيه ونفع المجتمع ,
هل نجحت المدونة او فشلت ؟
المدونة في طريقها للنجاح بإذن الله ,,
الناس رايهم وردة فعلهم ؟
كثير اشخاص ما توقعت وقفتهم معاي ! كثير اشخاص ما يربطني فيهم الا علاقة بسيطة ومجرد معرفة ولكنهم دعموني ودعموا مدونتي , حصلت تشجيع من كثير ناس وانا حافظتهم اسم اسم َ! وقلت ومازلت اقول كل من يوقف معاي بمدونتي انا ممنونه جدا لك ! واسمك في بالي دايما ,
كل الشكر لـ :
اصاله الهجله * قلوب *
منار الوداني
افراح باقيس
افراح باقيس
فداء الشيخ
نوره القحطاني
عبير المطيري
اسماء المطيري
سماهر الزايدي
حنان عدني
عايشه با نبيلة
ريان بندر
سالم المطيري
ايكا
,,
اسماء الداعمين لي , واسماء اللي اشوف كومنتز منهم , شكرا شكرا شكرا بحجم السماء لكم ,, انتوا سبب جمال هذي المدونة :)
,
اما من خانتني الذاكرة او ما تعرفت عليه انتم كمان ما نسيتكم
شكرا لانكم قريتوا تدويناتي او حتى لو وحده منها
شكرا لانكم تشجعوني
شكرا لانكم ساعدتوني في ممارسة هوايتي
شكرا من قلب امل لكم جميعا
شكرا لكم ,
احبكم ..
,
6 التعليقات
من عرفتك وانت انسانة طموحة ماشاء الله ما يوقف ضدك شي ، أتمنى أن هذا المدونة هي بداية نجاحك وأنا متأكدة حيجي يوم حنشوف اسمك في كل مكان، وأنا كمان ابغى اشكرك لأنك أقدمت على شي زي كذا وخليتينا نستفيد وبنفس الوقت تمارسين هوايتك انت،الله يوفقك أمل واشوفك بكرا شي كبير وواصلة للي تبغين ����..
ردحذفشكرا على كلامك اللطيف :*
ردحذفمبروك مرور سنه على مدونة مولاش مدونه ناجحه وشامله ومن نجاح لنجاح يارب
ردحذفبمناسبة هالذكرى الحلوة يسعدني اني انضم للمدونه الحلوه هذه اخس فيها طاقة ايجابيه
ردحذفوياريت لو تشرفيني في مدونتي المتواضعه جدا
saroonetablog
شرفتيني بمتابعتك , شكرا :)
حذفعمري انا اكيد بنكون داعمين لك على طول ❤️
ردحذف