بسم الله الرحمن الرحيم
أول يوم بالعزلة يوم الاحد تاريخ ٢٩- ١ :
بداية اليوم من الصباح الساعة ٩ قمت اتجهز ٩:١٠ لان مافي جوال اشيّك عليه :)
كان عندي اختبار الصباح الساعه ١١ والحمدلله كان جيد
وبعدها قابلت صحباتي من حسن الحظ ! زي ما بعضكم عارف اني بالجامعة ما اشوف احد , فالمره هذي بدل السناب شات وسوالفه قابلت صحباتي لين المحاضرة الثانية وبعدها خلصت وقضيت الوقت بانتظار السياره على كتاب وطلعت ع البيت .
ثاني يوم الاثنين ٣٠-١ :
يوم عادي نوعا ما الشي الوحيد اللي ممكن يعتبر انجاز هو ذاكرت جزء من اختبار الاربعاء " نصوص اجتماعية باللغة الانجليزية " ما يقارب الخمس ساعات 💔
ثالث يوم الثلاثاء ١-٢ :
اليوم المضغوط بشكل فضيع ! لما كتبت الجملة ضحكت ههههههههه! كان عندي في الصباح زيارة لمدرسة لتأدية تكليف جامعي وهو مقابلة مع المرشدة الطلابية " وقالتلي بعد كم سنة اتركلك الكرسي ! " وغالباً ايوه 😂
واخترت بهذي الزيارة الثانوية اللي درست فيها ، شعور غريب وانا داخلتها وشايفه الطالبات فيها حسيت اني عجوووووزز 😂 اعطي الطالبات نظرة اللي يا الله ! انا كنت ف سنة من السنين هنا زيكم واسوي نفس تصرفاتكم، بتقولون مبالغة لاا حقيقي شفت حركات من البنات الان حنا ما نسويها عقلنا شوي بس لما كنا زيهم كنا في قمة الزحف يعني 😂
قابلت معلماتي اللطيفات كانت علاقتي فيهم حلوة بما اني الطالبة الدافورة 😂 وحبيت انهم انبسطوا بشوفتي كثير بعد غياب ٣ سنوات يعني تقريباً كان هذا احلى شي وللمعلومية " مو عارفين انو مرت ٣ سنين " .. الجملة الاخيرة اللي قلتها لكم لفتت انتباهي لشغلتين .. راح اتكلم عنها بتدوينات ثانية
بعدها رحت الجامعة حضرت محاضراتي وقابلت صحباتي من جديد ❤️!
ورجعت البيت والعصر طلعت على المكتبة " مكتبة الملك فهد " عشان احضر دورة مدتها خمس ساعات عن الحياة الزوجية " تكليف من الجامعة "
وخلصت منها ورجعت البيت اذاكر لاختبار يوم الاربعاء وبكذا انتهى يومي .
اليوم الرابع الاربعاء تاريخ ٢-٢ :
اختبار ! اختبار نصوص انجليزية ، واو > مقدر اعبر عن مدى عفانة الاختبار 🙂💔
لما تكون الدكتورة متحمسة وتعطيك اسئلة مقالية وبالانجليزي ! احسها يوم تقرا الورقة تقول " انا ييججي من بنقاال "
وكملت محاضرات ورجعت البيت ونومة سريعه واستعديت ورحت للدورة نكمل الجلسة الثانيه لها ،
الجميل بالأمر ان اللي قدمت المحور الثالث دكتورة اروى عرب ! يا جماعة حبيتها من تويتر ويوم شفتها على الحقيقة حسيت ودي اروح احضنها ، عصرت مخي ادور اي سبب عشان اروح اكلمها بس ما حصلت 💔
اليوم الخامس الخميس تاريخ ٣-٢ :
تكلفت ورحت الجامعة وانا مالي نية اداوم بس عشان ما اتسجل غياب واللي حصل انها ما جات ! رجعت البيت نمت شوي وبعدها رحت الدورة وكان اخر يوم ! الحمدلله كانت ثلاثه ايام متعبة ولكن مفيده جداً
وبعدها احتفلت مع اهلي 😂❤️ نزلت لمحل حلويات من زمان نفسي اجربه واشتريت منه شوية حلويات واخذتها للبيت احتفالاً بمرور هذا الاسبوع على خير 🙏🏻💕
وبكذا انتهت الخمس ايام من الاسبوع ورجعت السوشل ميديا على طول يعني ما كملت الاسبوع لاني طفشت شوي 💔
جاتني فترات كثيرة تمنيت اني اسولف ف سناب واشياء كثيرة تمنيت اصورها وانزلها على طول ومعلومات تمنيت اني اشاركهاعلى طول بس كنت حاذفة التطبيقات ، ونوعاً ما كنت مرتاحه ، يعني مده كذا بدون مواقع عايش مع نفسك جميله مره ❤️ ..
جربوا اتركوها كم يوم عشان تحسون بشعور الراحة ❤️🙏🏻
كان لي تجربة سابقه مع العزله تلقونها هنا :
تمنياتي لكم بحياة سعيدة ❤️❤️
3 التعليقات
حبيت فكرة التدوينه ..جداً جميله خصوصاً الأفكار صارت مكررة
ردحذفهوصعب الشخص يحرم نفسه تمام من البرامج في النهايه ما يقدر ينقطع عن التواصل مع
الاهل بغض النظر عن العالم الخارجي ..
بس حسيت بالفعل انجزتي وشفتي اشياء اكثر لمن ابتعدتي عنها ..
استمري .
واوو يمكن شي جيد ان الواحد يبتعد بس انا مستحيل حياتي في السوشل ميديا اصلا❤️
ردحذفوالله انجاز يا مولاش برافو
الفكرة جداً جميلة؛ بس بالنسبة لي صعبة .. ما اقدر اتخيّل حتى��.
ردحذفبس يبالي اتحدى نفسي و اجربها، احسّ بيكون عندي وقت وايد اقدر استفيد منه
و انجز فيه؛ تجربة جميلة مولاش، .. يعطيج العافية و نتريّا تدوينات أخرى��.