بسم الله الرحمن الرحيم
،،
يا اهلاً ,,
بمناسبة العودة للدراسة واسفه اذا ضيقت صدوركم :( تدوينة اليوم عبارة عن تنسيقات اشوفها مناسبة للجامعة ومختلفة تناسب اغلب الاذواق ،
عندنا مفهوم ان الجامعه يعني لبس رسمي او قميص سادة وتنورة وانا ضده تماما لاني انسانة احب اكشخ :) ،
ف نقدر نلبس اشياء انيقة وجميلة وبنفس الوقت مريحة ومناسبة للجامعة ! وكمان هالتدوينة تناسب اي وحده نفسها تشوفلها تنسيقات للملابس بشكل عام مو شرط تكون طالبة جامعية ♥️
انا نسقت لكم باستخدام برنامج بذكرلكم اسمه آخر التدوينة ..
الاساسيات في دولابك وعلى اساسها سوينا التنسيقات :
- البنطلون الاسود او التنورة السودا ضرورية في دولابك لانها منقذه :")
- التيشيرتات الخفيفه وكذا لون اسود رمادي ابيض
- جاكيت او اثنين رسمي وثانين شكل عادي خفيف بالالوان الاساسية اسود وابيض
- للاضافة الكومينو او الفيزيت
- جزمة رياضية
- للاضافة اكسسوار خفيف جدا
..
التنسيق الأول :
عندنا بنطلون اسود وتيشيرت وعليه جاكيت رسمي ، ممكن نستبدل البنطلون بتنوره سودا ، والجاكيت لونه ابيض لكسر اللون الغامق شوي ، وكمان الستايل هذا يجمع بين الكاجوال والرسمي يعني يناسب الذوقين ف ممكن نستغني عن الجاكيت ✨
الاكسسوار اكتفيت بالاساور وتكون مجموعة المصممة من الخيوط حسيت شكلها يناسب الستايل
الجزمة رياضية لون ابيض ممكن نلبس اسود او رمادي .
التنسيق الثاني :
فستان اسود ستريتش او ممكن يكون واسع ولكن خامته جدا خفيفه وطويل وعليه كومينو ابيض للتغطية على اليد وبنفس الوقت اضافة تجميلية للبس ✨
الاكسسوار سلسلة على الرقبة اللي هي الدارجة الان " الشوكر " من باب الاضافة .
الجزمة رياضية لون ابيض .
التنسيق الثالث :
تنورة سودا مع بلوزة لونها ابيض مخططة بالكحلي وفيها ربطة في آخرها وكم طويل تقريبا
الاكسسوار حلق ما حطيت اساور لان حسيت الكم طويل بس ممكن نلبس ساعة معاه
الجزمة رياضية لون كحلي او ممكن نلبس ابيض او اسود .
التنسيق الرابع :
بنطلون مخطط مع بلوزة ابيض سادة اكمام واسعة .
الاكسسوار ساعة لون بني ونظارات بني .
الجزمة لون بني نفس ستايل جزم الدو .
التنسيق الخامس :
تنورة لون رمادي مع بلوزة لون بني فاتح او ممكن يسمونه " ترابي " البلوزة كت يعني بدون اكمام ف اضفت معها كومينو لون افتح منها تقريبا وهو السكري .
الاكسسوار قلادة لون ابيض محددة بالبني الفاتح وساعة ذهبية واسورة عريضة بلون بني فاتح .
الجزمة لونها قريب من البلوزة بس مو نفسه ممكن نستبدلها باللون البني نفس اللي استخدمناها بالتنسيق السابق .
التنسيق السادس :
تنورة سودا وبلوزة بيضا كت عليها شوية نقوش وجاكيت او ممكن نسميه كومينو لون اسود وعليه نقوش بيضا .
الاكسسوار حبيت اني اغير واضيف لون ثاني واعتقد اسمه نحاسي او " قولد روز ! " ساعة ومجموعة اساور ملونة بين الذهبي والنحاسي والابيض .
الجزمة سبورت ابيض
التنسيق السابع :
تنورة سودا عليها بلوزة اكمام طويلة مخططة او نقوش ممكن ! ملونة بين درجات الوردي والموف والبنفسجي.
الاكسسوار " شوكر " اسود وفيه ميدالية صغيرة وخواتم لون اسود .
الجزمة ابيض " استهلكناها "
التنسيق الثامن :
بنطلون واسع من تحت لون زيتي معاه بلوزة ابيض كت ضيقة وعليها جاكيت رسمي ابيض مخطط. ممكن نستغني عن الجاكيت لو مو حابة الستايل الرسمي ولكن البلوزة يفضل تكون ماسكة عشان البنطلون واسع .
الاكسسوار ساعة رمادي غامق معاها اسورة عريضة ابيض واسود محددة بالذهبي وسلسلة خفيفة اسود وفيها لولو صغير بلون ابيض .
والجزمة ابيض زي ما تعودنا هههههه .
التنسيق التاسع :
عاد هذا حق الناس" الكول " اللي يفضلون الستايل الكاجوال والمريح ، ارضي جميع الاذواق انا ههههههه
جينز فاتح معاه تيشيرت اخضر غامق او ممكن زيتي نص كم
الاكسسوار آيسكاب ابيض من باب الاضافة فقط ، اساور خيوط اسود وبني وساعة لون اسود .
لا لا الجزمة مو ابيض المره ذي ههههههه زيتي او اخضر نفس لون التيشيرت .
التنسيق العاشر والاخير :
فستان ابيض نفس مواصفات الاسود وعليه جاكيت ازرق فيه زي الربطة او الحزام من الوسط ، ستايل الفستان الاول خليناه خفيف وعليه كومينو مفتوح المره هذي غيرنا وخلينا الجاكيت مربوط من الوسط عشان يعطي شكل جميل للجسم .
الاكسسوار مجموعة اساور ملونة بين الابيض والسماوي والبني ، ساعة لون ابيض
الجزمة ابيض او ممكن نخليها ازرق غامق . لوك هلاليات 💙
وبكذا نكون انتهينا من التنسيقات اللي سويتها حبيت تكون منوعة وتناسب اغلب الاذواق وبنفس الوقت تكون مريحة ، اذا عجبك اي ستايل منهم اكتبيلي رقمه تحت في الكومنتز واذا حسيتي ان التنسيقات اوحتلك بشي كمان شاركينا رايك .
واذا استفدتي انشري التدوينة " تحت اخر شي في ايقونات السوشل ميديا 💜💜"
..
اتمنالكم يوم سعيد وسنة دراسية سعيدة وموفقة بإذن الله ❤️❤️
البرنامج المستخدم للتنسيق :
Polyvore
للتواصل :
Snap : mulash1
Twett :muulash
..
4 التعليقات
حبيت التنسيقات يعطيك العافية و حبيت كمان انها تنفع للجمعات الخفيفة مو بس الجامعة 😍😍
ردحذفيسعدك لولا :*
حذفأزال المؤلف هذا التعليق.
ردحذفتنسيقات رائعة! أُحب إرتداء ساعات بوشرون نسائية مع الإسوره فهي تضفي أناقة مثالية علي ملابسي.
ردحذف