بسم الله الرحمن الرحيم
سلام عليكم يا قماعة الخير ")
اليوم بنزلكم طريقة التشاينيز نودلز بناء ع طلب الجماهير السريين "")
يالله نروح للمقادير ❤️❤️
-
صدور دجاج
خضار ( فلفل اخضر ، جزر ، ملفوف ، طماطم )
وطبعا ك عادتنا اي خضار قدامك حطيه ؛$
صلصة صويا
بهارات مشكله
ملح
كاتشب " من عندي "
فلفل اسود " من عندي "
ممكن تستخدمين سباقتي او ممكن شعيريه الخاصه بالنودلز
انا استخدمت سباقتي
-
نروح للطبخ والفن ❤️❤️
١- طبعا نسلق المكرونه بعد ما تطبخ المويه نحط شوية زيت وملح ونحط المكرونه
ممكن تكسرينها عشان الطول وممكن تخلينها بطولها اللي يريحك
٢- في صاج كبير وعميق نحط الزيت وصدور الدجاج لين ما يصير لونها ابيض وبعدوا نبدا ننزل الخضار
كلها مع بعض مو مشكله او ممكن تنزلين الفلفل الاخضر والجزر اول شي بعدين باقي الخضار .
بعد ما تلين شوي الخضار نحط الصوص ( الصويا ) والملح والبهارات والفلفل الاسود والكاتشب اذا حابه " يعطي نكهه " ونصب موية عشان نخلي الدجاج والخضار يستوون ❤️
الموية قدرها يكون لين ما تغطي الخلطه شوي بس عشان ما تنحرق الخلطه ونخليها تطبخ لين ما تحسون ان الخضار ذبلت والدجاج استوى
تقدرين تزيدين الصويا بالكمية اللي تبغينها وكمان شيكي ع الملح والبهارات بعد الطبخ بالمويه
٣- المكرونه حطي عينك عليها وحركيها عشان ما تلصق في بعض
بعد م تستوي صفيها من المويه ورجعيها القدر
ونصب الخلطه حقت الدجاج والخضار ع المكرونه ونخلطهم
اذا بهت لون المكرونه زيدي الصويا ،
انا سويت كمية كبيره وكفتني علبة صويا صغيره بالتمام
خليهم ع نار هاديه وحركيهم لين ما تحسينهم تجانسوا وبس
بالعافيه على قلوبكم ❤️❤️
اذا حبيتي الوصفه انشري رابط التدوينة ❤️❤️
-
اعتذر منكم صورت صور كثير بس عندي مشكله ما اقدر انزلها ؛(
بنزلها ع انستقرام ان شاءالله
انستقرامي aml.fs
0 التعليقات