اهلا اهلا بالجميع من جديد ; 

الفترة السابقة واللي غبت فيها كان بسبب مناسبة عائلية وجمعة الأهل , ويتلوها عارض صحي استمر بحدود الاسبوع عافاكم الله :) , الحمدلله بعد تحسني رجع نشاطي وقمت للمطبخ اسوي اكلة لزيزة  ..

راح نحتاج :

بطاطس ( الكمية على حسب الاشخاص )لحم مفروم بصل جبنة تشيدر جبنة البيتزا ( المبشورة )بصل فلفل رومي صلصة طماطم ملح بهارات مشكلة اذا م عندك استخدمي هذي البهارات : (  قرفة , كمون ,  كزبرة , كركم ) اي شي حطيه *نظامي*

الطريقة : 

نقشر البطاطس ونسلقها ( نطبخها بقدر فيه موية بس ) الين م تصير لينه مره .في صاج شوية زيت نكشن البصل والفلفل الرومي لين م يذبلون نضيف اللحم ونكشنه معاهم بعدها نضيف البهارات والصلصه ( تختلف الكمية ع حسب كمية اللحم) ملعقة صغيرة مليانه من كل شي جيد .ونخلطهم لين يقرب يستوي اللحمونضيف شوية مويةوبعدها نخليه لين يستوي اللحم تمام ونقفل النار . _نهرس البطاطس في القدر بعد م نصفيها من الموية .

الخطوة الثانية :نحط في صينية طبقة خفيفة من البطاطس المهروسة ونحط فوقه طبقة من اللحم وبعدين نحط جبنة تشيدر صفرا او بيضا وبعدين نغطيه بطبقة بطاطس مهروسة كمان *تقدرين تحطين بقسماط وشوية كريمة خفق من فوق عشان تكون الطبقة مقرمشه *انا دهنتها بشوية من صفار البيض .نحطها بالفرن لمدة ربع ساعة من فوق وتحت .

_

وبالعافيه حبايبي اذا شفتي البوست وطبقتي سويلي منشن على حساب المدونة ف الانستقرام muulash يسعدني :)