احب المكياج بس ما عندي فلوس اشتري !
بسم الله ونبدا بأول تدوينة لاكثر شي احبه ( المكياج ) ,
كثير بنات يحبون المكياج بشكل مو طبيعي ! بس ما تقدر تشبع حبها وتتمنى مكياج معين وما تقدر تشتريه عشان سعره غالي !
انا من الناس اللي ضد المكياج الرخيص واللي ماله ماركه معينه وجدا سيء , لانه مضر بالبشرة واي شي بحطه على بشرتي لازم يكون شي جيد وما يضرها ,
(وشي بيني وبينكم بابا ما يعطيني فلوس للمكياج بعذر انو مو كويس للبنت وحرام صرف الفلوس عليه )
ف من لما كنت في المدرسة وآخذ مصروف شهري من بابا كنت كل شهر اشتري المكياج اللي ناقصني وطبعا مو اي شي , يعني آخذ فترة اتابع البلوقرز والميكب ارتست اللي هما يتكلمون عن المكياج وتجاربهم واختار الشي اللي الكل يمدحه وسعره مناسب واحط فلوسي فيه وانا مرتاحه ,
صورة لمكياجي المتواضع جدا ,
وما زلت على نفس اسلوبي الآن دخلت الجامعة وصرت آخذ مكافأة وكل شهر او شهرين اشتري شي ناقصني وسعره كويس وجيد وما اندم عليه ابدا ,
ف اللي عليك يا جميله لو حصلتي ولو مبلغ بسيط حطيه ف الشي اللي ناقصك اولا وثانيا خليك في الماركات اللي اسعارها مناسبه
لانو الماركات العالمية واسعارها الغاليه في لها بديل تلقين مثل منتجاتها او مشابهله عند ماركة اسعارها متوسطه
من الماركات اللي مكياجها حلو واسعارها حلوه :
ميبلين < مسكراتهم تجنن
ماكس فاكتور < عندهم اشياء حلوه مثل الارواج
ريميل
نيكس < اعتقد اسمها صح يمدحون بلشراتهم
وفي غيرها كثير
واغلب هذي الماركات موجوده في سنتر بوينت او اي محلات المكياج
تمنياتي لكم يوم لطيف وان شاءالله افدتكم ,
3 التعليقات
سبحان الله البنات يختلفون ، في اللي يعشقون المكياج مثلك وفي العسولات اللي مثلي يعشقون الكريمات واللوشنات والسنفرات واااه يا البي 😍💗💕 ،، اما بالنسبة للمكياج ما اعرف غير للكحل والروج 😂 ان شاءالله نقدر نشبع حاجتنا للاشياء اللي نحبها وكل وحدة تشتري اللي نفسها فيه وتحبه ،، ادري تحلطمت كثير ✋
ردحذفحبيت الموضوع
ردحذفوالله يرزقني اهتمامك للميك اب :)
هههههههه آممين
حذف