بسم الله الرحمن الرحيم
لو ننظر لحياتنا الآن كيف صارت مع المواقع راح يجي في بالنا كذا شغلة انا بختصرها لكم وبعطيكم المهم ,
أولا وقبل كل شي صرنا نعرف كل شي بحياة الناس في كل مكان , طيب هذا سيئ ولا جيد ؟
كذا وكذا , متى يكون جيد ؟ لما نستفيد من مواقف حصلت للناس , او نصايح البعض لنا عن طريقها , او تجاربهم , يعني الاشياء الايجابيه لها, ولكن ايش الجانب السيئ ؟
انشغلنا بحياة الناس , انشغلنا عن حياتنا وعن هدفنا بالحياة , صرنا نأخر صلاتنا صرنا ننسى اذكارنا صرنا مقصرين بحق اهالينا وبكل صراحه السلبيات تعدت الايجابيات .
أول اسبوع بدون مواقع التواصل :
بالطريق للجامعه قريت الاذكار بدل ما اتفرج على السنابات اللي فاتتني , وفي الجامعه تمشيت وشميت هوا وركزت بمحاضراتي وحسيت اني حره مدري ليه :)
المساء بدا مرضي يشتد ويومين طحت من السخونه م قدرت انجز شي حقيقه . يعني طول اليومين راحت ف النوم الملخبط وانا طريحة الفراش وشريكي في اليومين كانت بسبوس معاي تشاركني بأكلي وشربي :) زمان كنت اشتكي ف المواقع وكلام الناس يونسني دعواتهم لي علاجاتهم اسمنو اشتكي ارتاح ولكن هالمره عانيت مع المرض بدون ما اسمع دعوات من الناس او سؤال .
اليوم التالي كنت مخططه اني اتأمل واشم هوا واصفي ذهني ف طلعت للسطوح وشميت هوا وجلست اتأمل السما وصفيت ذهني وروقت كثير ,
اليوم اللي بعدو كان عندي مشروع بالجامعه م قدرت اوافيكم الحدث عن طريق سناب شات كان موضوع مشروعنا هو الماسونيه شي جدا جميل ومفيد , وطلعت من مشروعي وزرت معرض الفهد روح القياده راح انزله بتدوينه خاصه ان شاءالله .
حسيت بطعم اليوم يعني ما انشغلت بجوالي وبالسناب شات حسيت بالحدث وقضيت الساعات وانا متفرغه وكمان في المعرض حاولت قد ما اقدر اني استفيد من المعرض وما انشغل بالتصوير بس كمان كانت المره الوحيده لازم اصورلكم شي :(
الخميس كانت عصريته مع جدتي والمسا مع ريما الجميله انبسطت كثير عندها
الجمعه دائما عائلي قضيته ف البيت مع اهلي والسبت في الكورنيش وكمان يوم عائلي بحت , الحمدلله
ترقبوا ثاني اسبوع واهم حدث فيه قريب ان شاءالله
اتمنالكم يوم سعيد واختبارات ميسره بإذن الله :)