بسم الله الرحمن الرحيم
ههلوو , بعد انقطاع دام اسبوع تقريبا , بسبب انشغالي بأموري الجامعيه وفقنا الله واياكم , رجعت لكم بموضوع مختلف وشيق ومحبوب للبنات ,
عندنا اليوم منتجات جربتها وراح اعطيكم ان شاءالله رأيي بكل صراحه فيها ,
لتس تو دو ذس :$
أول حاجه نشكر اصاله صديقتي الشكر الجزيل على الهديه الجميله ججدا وكانت مجموعه من سوب اند قلوري للعناية بالجسم , استخدمت منتجين فقط وخلصتهم وحزينه جدا ,
كريم ترطيب اليدين وزبدة الجسم من سوب اند قلوري *
ههلوو , بعد انقطاع دام اسبوع تقريبا , بسبب انشغالي بأموري الجامعيه وفقنا الله واياكم , رجعت لكم بموضوع مختلف وشيق ومحبوب للبنات ,
عندنا اليوم منتجات جربتها وراح اعطيكم ان شاءالله رأيي بكل صراحه فيها ,
لتس تو دو ذس :$
أول حاجه نشكر اصاله صديقتي الشكر الجزيل على الهديه الجميله ججدا وكانت مجموعه من سوب اند قلوري للعناية بالجسم , استخدمت منتجين فقط وخلصتهم وحزينه جدا ,
كريم لليدين + زبدة للجسم
بتكلم عن الموضوع بشكل عام ,
في البداية انا ما كنت احب احط كريمات على يديني وجسمي نهائيا , بعدين لاحظت انو الشغله هذي غلط ومو بصالحي ابدا , لابد لابد لابد ان الجسم يكون رطب من إلى , الجسم الناشف او اليدين الناشف او الوجه والفم الناشف شي سيئ ججدا !
وبعض المناطق بالجسم ايضا تحتاج ترطيب عشان لما تنكتم المنطقه ما يغمق لونها وبنفس الوقت تطلع ريحة المرطب لو كانت حلوه ترتاحين نفسيا :")
..
أول شي اليدين وترطيبها , بشرتك تحتاج ترطيب حفاظا على نعومتها , يدك كبنت لازم تكون ناعمه :) , ف استمرارك على استخدام مرطب لها جميل جدا تكون اليد ناعمه وتكون ريحتها حلوه , شي مريييح جدا ,
وانا حبيت الترطيب والكريمات من منتجات سوب اند قلوري ,
مجرد ما احطه على يدي ما ياخذ وقت طويل وعلى طول يمتصه الجلد ف تصير اليد ناعمه وريحتها حلوه واكون مرتاحه جدا ,
الكريم خفيف وريحته حلوه يمتصه الجلد على طول وتبقى يدك رطبه لفتره وريحته تبقى فتره ف يدك اذا ما غسلتيه بالصابون ,
..
شغله عبيطه , كنت احطه على يدي ف الصباح لما اقوم واروح اسوي فطور واجي ابى اغسل الخضار شوي الا الخضار تتزحلق من يدي :" , ف لازم اغسله بالصابون وبعدين اكمل شغلي ,
زبدة الجسم , دليل على اني حبيته , كنت استخدم قبله زبدة الجسم من بودي شوب , حبيته اكثر منها , جد حبيته حبيته حبيته بشكل مو طبيعي !
وممره زعلت انو خخلص صعب علي شوي اني اشتري مثله مره ثانيه للأسف :(
مقارنة بزبدة الجسم من بودي شوب هذا اخف وألطف على الجسم والريحة ششي ثاني ,
جسمك يكون رطب فتره طويله ججدا والريحة اللي تطلع من جسمك تشرح الصدر من جد ,
نفس كريم اليدين ما يطول على بال ما يمتصه الجسم على طول يتسرب في البشرة وتحسين وقتها بنعومه وترطيب في جسمك وتكونين مرتاحه ,
كثير مناطق في الجسم وبالذات المكتومه تحتاج ترططيب دايما دايما . مثل عندكم المنطقه في مفصل الذراع او الكوع او مفصل الساق والركبة والرقبة من الخلف بالذات عشان تخففين من اسمرار المناطق وجفافها .
..
بكذا اكون خلصت اتمنى اني افدتكم بهالتدوينه ويالله سريع اشتريلك مرطبات لجسمك ويدينك وحسي بأنوثتك :$
فروع سوب اند قلوري في جده حراء الدولي
تشرفني تعليقاتكم :)
..
..
